სიახლეების გამოწერა

შაბათს  01 აგვისტოს „საქართველოს მწვანეთა  მოძრაობა-დედამიწის მეგობრები-საქართველოს“ მხარდაჭერითა და პროექტ „Make it Colorful”-ას  ფარგლებში წალკის მუნიციპალიტეტში დასუფთავების აქცია მოეწყო.  „Make it Colorful” პროექტი თამარ გაბაიძის ხელმძღვანელობით ხორციელდება, რომელიც აერთიანებს  ქ.თბილისის  N 26-ე საჯარო სკოლას, ბედიანის ბავშვთა ცენტრის აღსაზრდელებსა და წალკის საჯარო სკოლის მოსწავლეებს. პროექტი მიზნად ისახავს ჯანსაღი ცხოვრების წესის წახალისებასა და გარემოს დაცვითი უნარების განვითარებას.

პროგრამა ფინანსდება საქართველოში ამერიკის შეერთებული შტატების საელჩოს მიერ. 
დასუფთავდა წალკის მუნიციპალიტეტის სოფ. დაშბაშის კანიონის მიმდებარე ტერიტორია. დასუფთავების აქცია მიმდინარეობდა ორი დღის განმავლობაში. აქციაში აქტიურად მონაწილეობდნენ  ქ. თბილისის N26-ე  საჯარო სკოლისა და წალკის საჯარო სკოლის მოსწავლეები, ბედიანის ბავშვთა ცენტრის აღსაზრდელები, მათი ხელმძღვანელი ზვიად ხაფავა, რომელიც არის გამგებლის წარმომადგენელი დაბა ბედიანის თემში და  თბილისის N26-ე საჯარო სკოლის დირექტორი ბაია გაბაიძე.