სიახლეების გამოწერა

2015 წლის 21 ივნისს ქვემო ქართლის სახელმწიფო რწმუნებული- გუბერნატორის ადმინისტრაციის, მეტყველების განვითარებისა და კორექციის ცენტ „ლოგომედი“-ს ინიციატივითა და წალკის მუნიციპალიტეტის გამგეობის მხარდაჭერით წალკის მუნიციპალიტეტს „ლოგომედი“-ს სპეციალისტთა ჯგუფი ეწვია.

მედიკოსების განცხადებით, მეტყველების დარღვევები წარმოადგენს ისეთი სერიოზული ფსიქოსომატური ტიპის დაღვევის პირველ კლინიკურ სიმპტომს, როგორებიცაა: მეტყველების ფუნქციის ზოგადი განუვითარებლობა, მეტყველების რეცეპტული დარღვევა, აუტიზმისა და აუტისტური სპექტრის მოშლილობანი და ლოგონევროზი.
მოსახლეობის მიღება დაიწყო დილის 10:00 სთ-დან და გაგრძელდა საღამოს 17:00 სთ-მდე.
სპეციალისტებმა უფასო კონსულტაცია გაუწიეს წალკის მუნიციპალიტეტში მცხოვრებ 45 მოზარდს რომლებსაც ქონდათ მეტყველებასთან დაკავშირებული პრობლემები, ასევე მშობლებს მიაწოდეს ინფორმაცია სამკურნალო ღონისძიებიებების შესახებ და მეტყველების დეფექტების გამომწვევი მიზეზების დასაძლევად საჭირო გეგმა გააცნეს. 
ზემოაღნიშნულ აქციას ესწრებოდნენ ქვემო ქართლის სახელმწიფო რწმუნებული-გუბერნატორის მოადგილე ნუგზარ სალია, წალკის მუნიციპალიტეტის გამგებელი ილია საბაძე, მოადგილეები: ფეოხარ პარასკევოვი და ემზარ გელოვანი. 
წალკის მუნიციპალიტეტის გამგებლის - ილია საბაძის განცხადებით, იგი მიესალმება ზემოაღნიშნულ აქციას, გამოთქვამს მზაობას მხარი დაუჭიროს მსგავსი ტიპის ინიციატივებს და მადლობას უხდის „ლოგომედი“-ს სპეციალსტთა ჯგუფს აქციაში მონაწილეობისათვის.