სიახლეების გამოწერა

თეთრიწყაროს მუნიციპალიტეტში, დიდგორობის დღესასწაულს მთავრობის მეთაური ირაკლი ღარიბაშვილი, მინისტრთა კაბინეტის წევრებთან ერთად დაესწრო.

საერთო სახალხო ღონისძიებას ქვემო ქართლში სახელმწიფო რწმუნებული გიორგი დოხტურიშვილი, წალკის მუნიციპალიტეტის მერი ილია საბაძე და რეგიონის მერები ესწრებოდნენ.

დიდგორობის სახალხო დღესასწაულზე წალკის მუნიციპალიტეტი, ტრადიციულად საკუთარი კუთხით იყო წარმოდგენილი. ღონისძიების ფარგლებში თავდაცვის მინისტრმა, ჯუანშერ ბურჭულაძემ საომარი და საბრძოლო მოქმედებების დროს გაბედული მოქმედებებისათვის, ლიდერის თვისებებისა და თანამებრძოლის სიცოცხლის გადარჩენისთვის გამოჩენილი სიმამაცისთვის, მედალი „დიდგორის ჯვარი“გადასცა:

პოლკოვნიკ - ოთარ დოლიძეს; მასტერ სერჟანტს - გენრი სიმსივეს; სერჟანტ - ალექსანდრე ქოთოლაშვილს.

„901 წლის წინ, დიდგორის ველზე ჩვენი ქვეყნის მთლიანობისა და დამოუკიდებლობისთვის ჩვენი წინაპრები იბრძოდნენ, სწორედ მათმა დიდმა გამარჯვებამ მოგვიყვანა დღევანდელ დღემდე. დიდგორი არის ერთიანობის, გამარჯვების და სიმტკიცის სიმბოლო“- წალკის მუნიციპალიტეტის მერი ილია საბაძე