სიახლეების გამოწერა

წალკის მუნიციპალიტეტის მერი ილია საბაძე 19 თებერვალს, ქვემო ქართლში სახელმწიფო რწმუნებულის ადმინისტრაციაში სახელმწიფო რწმუნებულის, შოთა რეხვიაშვილისა და მუნიციპალიტეტების ხელმძღვანელ პირებთან ერთად სპეციალურ პრეზენტაციას დაესწრო,რომელსაც „სოციალური პროგრამებისა და განვითარების ცენტრის“ ხელმძღვანელი, სოფიო ბეროშვილი და პროექტების მართვის მენეჯერი, ლაშა გეგეჭკორი უძღვებოდნენ.

პრეზენტაცია შეეხო რეგიონში მიუსაფარ ცხოველთა თავშესაფრის მშენებლობისა და საქმიანობის განსახორციელებლად , შესაბამისი ინფრასტრუქტურის მოწყობის საჭიროებას.

ქვემო ქართლის ინტერმუნიციპალური თავშესაფრის მშენებლობა მიმდინარე წელს დაიწყება, რომელსაც საქართველოს მუნიციპალური განვითარების ფონდი დააფინანსებს.