სიახლეების გამოწერა

31 მაისს წალკის მუნიციპალიტეტის საბავშვო ბაღის შენობაში წალკის მუნიციპალიტეტის გამგეობის მხარდაჭერითა და ორგანიზებით ჯავრიშვილის თვალის მიკროქირურგიის კლინიკა „ოფთალმიჯი“-ს ექიმებმა უფასო სამედიცინო აქცია გამართეს.

აქციის ფარგლებში ოფთალმოლოგ ექიმებმა უფასო სამედიცინო კონსულტაცია და მომსახურება გაუწიეს წალკის მუნიციპალიტეტში მცხოვრებ მოქალაქეებს, ხოლო იმ მოქალაქეებს რომელთაც აღმოაჩნდათ თვალის დაავადება „კატარაქტა“, რომელიც იწვევს მხედველობის თანდათანობით დაქვეითებას და ესაჭიროებათ ოპერაცია კლინიკა “ოფთალმიჯი“ შემდგომ ეტაპზე მუნიციპალიტეტის მხარდაჭერით, საყოველთაო ჯანდაცვის პროგრამის ფარგლებში პაციენტებს ჩაუტარებს ქირურგიულ მომსახურებას (ოპერაცია). უფასო სამედიცინო აქციის მიმდინარეობას დაესწრო წალკის მუნიციპალიტეტის გამგებლის მოადგილე ფეოხარ პარასკევოვი და გამგეობის ადმინისტრაციის უფროსი ევგენია ფურცელაძე.