სიახლეების გამოწერა

დღეს 6 ნოემბერს წალკის მუნიციპალიტეტის გამგებელმა ილია საბაძემ მორიგი თათბირი გამართა ადმინისტრაციულ ერთეულებში გამგებლის წარმომადგენლებთან, საქართველოს მაღალმთიანი რეგიონების განვითარების კანონპროექტთან დაკავშირებით.

აღნიშნული კანონპროექტი ძალაში შედის 2016 წლის 1 იანვრიდან. პირველ ეტაპზე მოხდება მუნიციპალიტეტში რეგისტრირებული და ფაქტობრივად მცხოვრები მოსახლეობის სიების შედგენა/დაზუსტება. ვინაიდან წალკის მუნიციპალიტეტი მიეკუთვნება მაღალმთიან რეგიონს, კანონპროექტის ძალაში შესვლის შემდეგ მუნიციპალიტეტში რეგისტრირებული მოქალაქეებს გარკვეული კრიტერიუმების დაკმაყოფილების შემთხვევაში მიენიჭებათ მაღალმთიან რეგიონში მცხოვრების სტატუსი, რომლის მინიჭების შემდეგ ისარგებლებენ გარკვეული შეღავათებით, ასევე პირი, რომელსაც მიენიჭება „მაღალმთიანი დასახლების საწარმოს“ სტატუსი, საქართველოს საგადასახადო კოდექსით განსაზღვრული ვადითა და წესით განთავისუფლდება გადასახადებისაგან. 
გამგებლის დავალებით გამგებლის წარმომადგენლებმა ადმინტრაციულ ერთეულებში დროულად უნდა უზრუნველყონ სოფლებში მცხოვრები მოსახლეობის სრული სიების შედგენა.