სიახლეების გამოწერა

ქ. წალკის საბავშვო ბაღში სკოლამდელი აღსაზრდელების გამოსაშვები ღონისძიება ჩატარდა. გამოსაშვები ზეიმის პირველი ნომერი 13 ივლისს სტიქიის შედეგად დაღუპული ადამიანების ხსოვნას მიეძღვნა.

შემდეგ კი პატარებმა გააცოცხლეს ნოდარ დუმბაძის უკვდავი გმირები: ბებია, ილიკო, ილარიონი და ზურიკელა. ასევე წაიკითხეს ნოდარ დუმბაძის ლექსები. ამ ლამაზი ნომრით პატარებმა დაუვიწყარი დღე აჩუქეს ღონისძიებაზე შეკრებილ საზოგადოებას, მშობლებსა და აღმზრდელებს. დიდი მადლობა საბავშვო ბაღის აღმზრდელ მასწავლებლებს, რომლებიც არ იშურებენ შრომასა და ენერგიას რათა აღსაზრდელებს მისცენ ის საზრდო, რაც სამომავლოდ მათ სრულფასოვან ადამიანებად ჩამოყალიბებაში მნიშვნელოვან როლს ასრულებს.