სიახლეების გამოწერა

დღეს 29 ივნისს წალკის მუნიციპალიტეტის სააქტო დარბაზში  საინფორმაციო შეხვედრა გაიმართა ბერძენ მოსახლეობასთან რეგიონული  ან უმცირესობათა ენების ევროპული ქარტიის შესახებ. რეგიონული ან უმცირესობათა ენების ევროპული ქარტია წარმოადგენს ევროპის საბჭოს კონვენციას, რომელიც ხელს უწყობს იმ უმცირესობათა ენების დაცვას, რომლებზეც ტრადიციულად საუბრობენ ქვეყანაში.

შეხვედრის ძირითად  მიზანს  წარმოადგენდა  ქარტიის რატიფიცირებისა და მისი შემდგომი განხორციელებისათვის  წინაპირობების შექმნა, ქარტიაზე ზოგადი ცნობიერების ამაღლება  და უმცირესობების სამოქალაქო ინტეგრაციის  ხელშემწყობი  საგანმანათლებლო, ლინგვისტური და კულტურული ღონისძიებების / ასპექტების ხელშეწყობა. მათ ბერძენ მოსახლეობას გააცნეს ენათა ევროპული ქარტიის რატიფიცირების  მნიშვნელობა რომელიც ხელს შეუწყობს იმ ენების დაცვას რომელზედაც საუბრობენ სხვადასხვა ეთნიკური ჯგუფები მათ შორის თურქული  (ურუმეული)  ენა, ვინაიდან აღნიშნულ  ენაზე საუბრობენ წალკაში მცხოვრები ბერძნები.
შეხვედრას ესწრებოდნენ: ევროპის საბჭოს საქართველოს ოფისის ხელმძღვანელის მოადგილე - ალექსანდრო სავარისი, პროექტის ოფიცერი - მარიამ წიქვაძე, რეინტეგრაციისა და სამოქალაქო თანასწორობის სამინისტროს საერთაშორისო ორგანიზაციებთან ურთიერთობისა და სამართლებრივი უზრუნველყოფის დეპარტამენტის უფროსი - თინათინ ღორღელიანი, წალკის მუნიციპალიტეტის გამგებელი - ილია საბაძე და გამგებლის მოადგილე - ფეოხარ პარასკევოვი.